پاکستانتازہ ترین

کراچی: رینجرز کی ایم کیوایم کے مرکز نائن زیرو پر دوبارہ کارروائی

کراچی(مانیٹرنگ سیل) رینجرز نے متحدہ قومی مومنٹ کے مرکز نائن زیرو پر دوبارہ چھاپہ مار کر رابطہ کمیٹی کے انچارج کیف الوریٰ اور قمر منصور کو حراست میں لے لیا جبکہ ایم کیوایم رہنماء حیدر عباس رضوی کے گھر پر بھی چھاپہ مارا گیا، تاہم کوئی گرفتاری عمل میں نہیں آئی۔ رینجرز نے ایم کیوایم کے مرکز نائن زیرو پر ایک بار پھر کارروائی کی، رات گئے رینجرز کی بھاری نفری نے تمام داخلی وخارجی راستوں کو سیل کرکے علاقہ مکین سمیت کسی کو بھی اندر یا باہر جانے کی اجازت نہیں دی۔ رینجرز نے خورشید بیگم میموریل ہال میں داخل ہوکر انچارج رابطہ کمیٹی کیف الوریٰ ،عظیم فاروقی، سفیان یوسف اور قمر منصور کو تفتیش کے لیے حراست میں لے لیا تاہم عظیم فاروقی ، سفیان یوسف کو پوچھ گچھ کے بعد چھوڑ دیا، جبکہ قمر منصور اور کیف الوریٰ کو حراست میں لے کر نامعلوم مقام پر منتقل کردیا۔ ایم کیوایم رابطہ کمیٹی کے ڈپٹی کنوینر ندیم نصرت نے  کہا کہ رینجرز اپنے اختیارات کا ناجائز استعمال کر رہی ہے بغیر کسی وارنٹ ایم کیوایم کے مرکز پر کارروائی درست نہیں۔ ندیم نصرت نے مزید کہا کہ ایم کیوایم کے خلاف ایف آئی آرز کاٹی جارہی ہیں، میڈیا ٹرائل کیا جارہا ہے تاہم ایم کیوایم ایسے ہتھکنڈوں سے ڈرنے والی نہیں۔ واضح رہے کہ اس سے قبل بھی رینجرز نے مارچ میں ایم کیو ایم کے مرکز پر چھاپا مارکر ایم کیو ایم کے رہنماء عامر خان سمیت درجنوں کارکنوں کو حراست میں لیا تھا۔

یہ بھی پڑھیں  پی پی پی کے 5سال۔۔۔۔۔اب نہیں پھر کبھی نہیں ۔؟؟؟

یہ بھی پڑھیے :

Back to top button

Adblock Detected

Please consider supporting us by disabling your ad blocker