اوکاڑہ : موسمیاتی تغیرات اور ماحولیات آلودگی کے مسائل پر قابو پانا آج کا سب سے بڑا چیلنج ہے . مس صائمہ خان

اوکاڑہ ( محمدمظہررشید چودھری سے) موسمیاتی تغیرات اور ماحولیات آلودگی کے مسائل پر قابو پانا آج کا سب سے بڑا چیلنج ہے۔ سر سبز اور صاف پاکستان کے ویژن پر عمل پیرا ہوکر خوشحالی اور ترقی کی منازل تیزی سے طے کی جاسکتی ہیں ان خیالات کا اظہار مس صائمہ خان نے کلین اینڈ گرین مہم کی کامیابی کے لئے سائیکل پراسلام آباد سے کراچی جاتے ہوئے اوکاڑہ پہنچنے پر اپنے اعزاز میں منعقدہ تقریب سے خطاب کرتے ہوئے کیا اس موقع پر معروف سماجی وکاروباری شخصیت قمر عباس مغل ،کے ایف سی کے ریجنل جنرل مینجرلیئق سپرا،ممبر امن کمیٹی سید کوثر رضوی،صدر ڈسٹرکٹ یونین آف جرنلسٹس محمد مظہررشید چودھری ودیگر بھی موجود تھے مس صائمہ خان نے شرکاءکے ہمراہ گیٹ وے مال پر پودے لگا ئے ، قمرعباس مغل نے مس صائمہ خان کو خراج تحسین پیش کرتے ہوئے کہا کہ صفائی مہم کی کامیابی نئی نسل کے مستقبل اور پاکستان کے روشن مستقبل کی ضامن ہے ہر فرد کو اپنے حصے کا پودا لگا کر وطن عزیز پاکستان سے آلودگی کے خاتمے میں اپنا کردار ادا کرنا ہوگا ،گر معاشرے کا ہر فرد اپنی مذہبی اور سماجی ذمہ داری محسوس کرتے ہوئے مہم میں حصہ لے تو یقینا شجر کاری مہم کامیابی سے ہم کنا ر ہوگی،درخت ماحول پر خوشگوار تبدیلی کا سبب بنتے ہیں ہم نے عہد کرنا ہے کہ مل کر شہری ،دیہی ،گلی کوچوں اور اپنے گھروں میں پھل دار پودے لگانے کے ساتھ ان کی پرورش کو بھی یقینی بنائیں کیونکہ درخت ہیں تو ہم ہیں، مس صائمہ خان نے کہا کہ جنگلات کی کمی کے باعث بارش کی کمی اور ماحولیاتی آلودگی کے مسائل ہمیںدرپیش ہیں اور ان مسائل کے حل کا واحد قدرتی ذریعہ شجر کاری ہے، صرف درخت لگانا ہی کافی نہیں بلکہ ان کی نشوونما کے لئے انہیں پانی دینا اور ان کی حفاظت بھی ضروری ہے۔پاکستان میں سبز انقلاب کی آگہی کے لئے سائیکل پر اسلام آباد سے کراچی کا سفر کر رہی ہوں ٭