تازہ ترینکھیل

وزیراعظم سے پشاور زلمی ٹیم کی ملاقات، ڈیرن سیمی کو شہریت ملنے پر مبارکباد دی

اسلام آباد(نمائندہ سپورٹس نیوز) وزیراعظم عمران خان سے پشاور زلمی کے چیرمین جاوید آفریدی، کپتان ڈیرن سیمی سمیت کھلاڑیوں اور ٹیم آفیشلز نے ملاقات کی، عمران خان نے پاکستان کی اعزازی شہریت ملنے پر ڈیرن سیمی کو مبارک باد دی۔وزیراعظم نے جنوبی افریقا کے لیجنڈ بیٹسمین اور پشاور زلمی کے مینٹور ہاشم آملہ کو بھی خوش آمدید کہا، عمران خان نے کہا کہ خوشی ہے کہ پورا پی ایس ایل پاکستان میں ہورہا ہے، لوگ خوش ہیں۔ پی ایس ایل کے تمام میچز میں اسٹیڈیم بھرے ہوئے تھے، یہ پوری دنیا کو پاکستان کا مثبت پیغام ہے۔ڈیرن سیمی سے گفتگو کرتے ہوئے وزیراعظم نے کہا کہ پاکستان میں بین الاقوامی کرکٹ کی بحالی میں آپ کا کردار ہمیشہ یاد رکھا جائیگا، اب آپ ہمارے شہری بھی ہیں۔ انہوں نے کہا کہ جاوید آفریدی نے ڈیرن سیمی کے ساتھ مل کر پاکستان کرکٹ کی خدمت کی ہے۔ اس موقع پر ٹیم کے ہیڈکوچ محمد اکرم سمیت کھلاڑی بھی موجود تھے جن سے وزیراعظم نے پی ایس ایل اور پاکستان میں کرکٹ سے متعلق تفصیلی بات چیت کی۔

یہ بھی پڑھیں  23مارچ ،بنیاد پاکستان

یہ بھی پڑھیے :

What is your opinion on this news?

Back to top button
Close

Adblock Detected

Please consider supporting us by disabling your ad blocker