بین الاقوامیتازہ ترین

پی ٹی آئی نے قائد ایم کیوایم کیخلاف لندن میڑوپولیٹن پولیس کودرخواست دے دی

لندن (مانیٹرنگ سیل) اے آروائی نیوز پر حملے اور قائد ایم کیوایم کی تقریر کے خلاف احتجاج اور مذمت کا سلسلہ دنیا بھر میں جاری ہے، پی ٹی آئی برطانیہ نے قائد ایم کیوایم کے خلاف لندن میڑوپولیٹن پولیس کو درخواست جمع کرادی۔ تفصیلات کے مطابق قائد ایم کیو ایم کی ملک مخالف تقریر کے بعد پی ٹی آئی نے قائد ایم کیو ایم کیخلاف لندن میڑوپولیٹن پولیس کو درخواست دے دی، درخواست پی ٹی آئی برطانیہ کے ہیڈ صاحبزادہ جہانگیر کی طرف سے جمع کرائی گئی ہے، جس میں کہا گیا ہے کہ ایم کیوایم قائد نے اپنی تقریرسے لوگوں کوتشدد پر اکسایا۔ اس سے قبل ایک پاکستانی نژاد برطانوی نے بھی قائد ایم کیوایم کی تقریر کے خلاف مقدمہ درج کرانے کی درخواست جمع کرا دی۔ دوسری جانب اے آروائی نیوز پر حملے کے بعد اسکاٹ لینڈ یارڈ کو ایم کیوایم اور قائد ایم کیو ایم کے خلاف سیکڑوں شکایات موصول ہوئیں اور یہ سلسلہ تاحال جاری ہے، اسکاٹ لینڈ پولیس کو سیکڑوں ایسی کالیں بھی موصول ہورہی ہے، جس میں قائد ایم کیوایم کے خلاف کارروائی کا مطالبہ کیا جارہا ہے۔ اسکاٹ لینڈ یارڈ نے تصدیق کی ہے کہ قائد ایم کیوایم کے خلاف نفرت انگیز تقریرکی تحقیقات کی جارہی ہیں۔

یہ بھی پڑھیں  ڈسکہ: پنکچر شدہ اور دھاندلی کی پیداوار حکومت طالبان کے ساتھ مذاکرات میں سنجیدہ نہیں،عمر ڈار

یہ بھی پڑھیے :

Back to top button

Adblock Detected

Please consider supporting us by disabling your ad blocker