اسلام آباد(پاک نیوز) حکومت کی جانب سے وفاقی سرکاری ملازمین کی 2 دن کی تنخواہ کی کٹوتی کا فیصلہ کیا گیا ہے۔اس حوالے سے ذرائع کا کہنا تھا کہ وزیر اعظم نے وزارت خزانہ کی سمری کی کابینہ سے منظوری لینے کی اجازت دیدی ہے جو کہ سرکولیشن کے ذریعے منظوری کیلئے سمری کابینہ ارکان کو بھیج دی گئی ہے۔سمری کے مطابق وزارتوں، ڈویژنز، حکومتی ماتحت اداروں کے سرکاری ملازمین کی تنخواہ سے کٹوتی کی جائے گی جس میں سول آرمڈ فورسز/سویلین ملازمین بھی شامل ہیں۔اسکے علاوہ کنٹریکٹ، ایم، ایم پی اور ایس پی پی ایس اسکیلز کے ملازمین کی تنخواہ سے بھی کٹوتی کی جائے گی۔خیال رہے کہ ملازمین کی 2 دن کی تنخواہ وزیراعظم سیلاب ریلیف فنڈ 2022 میں جمع کرائی جائے گی۔
