پاکستان

وزیراعظم عدلیہ کے معاملے کو سیاسی رنگ دینے کی کوشش کررہے ہیں،شاہ محمود قریشی

خانیوال ﴿نامہ نگار﴾ تحریک انصاف کے مرکزی وائس چیئرمین مخدوم شاہ محمود قریشی نے کہا ہے کہ وزیراعظم عدلیہ کے معاملے کو سیاسی رنگ دینے کی کوشش کررہے ہیں تاریخ انہیں کبھی معاف نہیں کرے گی ، جنرل پاشا نے متعدد معاملات میں گیلانی حکومت کو بیل آئوٹ کیا جبکہ تحریک انصاف ،﴿ق﴾ لیگ اور آئی جے آئی کی طرح راتوں رات نہیں بنی بلکہ چیئرمین عمران خان نے ملک کی تیسری بڑی جماعت بنانے کیلئے طویل جدوجہد کی ۔ یہ بات انہوں نے سول لائن میں  ڈاکٹر وقار احمد خان ڈاہا کی رہائش گاہ پر میڈیا سے گفتگو کرتے ہوئے کہی انہوں نے کہا کہ  تحریک انصاف  نے ضمنی الیکشن  میں حصہ نہ لینے کا فیصلہ قومی مفاد میں کیا سپریم کورٹ کے فیصلہ کے برعکس گیلانی حکومت اور الیکشن کمیشن نے پرانی فہرستوں  کے مطابق کروائے ۔ انہوں نے کہا جنرل شجاع پاشا ایک انتہائی ایماندار اور محب وطن  شخصیت کے مالک ہیں اب تو وہ ریٹائرڈ ہوچکے ہیں 23مارچ کو مسلم لیگ کے گڑھ سیالکوٹ میں جلسہ عام ہورہا ہے  اور کل تبدیلی کا کاررواں خانیوال پہنچ رہا ہے عام شہری  ارو عوام دونوں پارٹیوں سے بیزار ہوچکے ہیں اور بیرن ملک مقیم پاکستانی وطن عزیز میں رہنے والے  پاکستانیوں کی جانب دیکھ رہے ہیں  کہ آئندہ الیکشن میں اقتدار میں رہنے والی دونوں جماعتوں کا بیلٹ پیپرز کے ذریعے  کس قدر احتساب کرتے ہیں  انہوں نے کہا کہ 1970ئ کی طرح  تبدیلی آرہی ہے  پاکستان کی تاریخ میں پہلی بار تجربہ ہوا ہے کہ  نواز لیگ اور پی پی پی اقتدار میں ہیں اصغر خان اور نوابزادہ  منصور نے جنرل پاشا  کے کہنے پر نہیں عوام کے تیور  اور تحریک انصاف کی جانب جھکائو دیکھ کر اپنی جماعتیں ضم کی ہیں  انہوں نے کہا کہ نواز لیگ  اور پی پی پی تحریک انصاف سے بہت خوفزدہ ہیں اور تحریک انصاف کی نقل اتارنے پر مجبور ہوگئی ہیں  انہوں نے کہا کہ زرداری  کی جوڑ توڑ کی سیاست میں ملک ٹوٹ رہا ہے آئین اور عدلیہ کے احترام کی بات تو کرتے ہیں  لیکن عمل نہیں کرتے  انہوں نے کہا کہ تحریک  کے جلسوں میں کسی  لالچ میں شامل نہیں ہورہے ہیں تبدیلی دیکھنا چاہتے ہیں ۔

یہ بھی پڑھیں  پنجاب حکومت کا اسموگ کے باعث اسکولوں کو چھٹیاں دینے پر غور

یہ بھی پڑھیے :

Back to top button

Adblock Detected

Please consider supporting us by disabling your ad blocker