پاکستانتازہ ترین

پنجاب اسمبلی کی ویب سائٹ بنگلہ دیشی ہیکرز نے ہیک کر لی

لاہور (نمائندہ خصوصی) پنجاب اسمبلی کی آفیشیل ویب سائٹ بنگلہ دیشی ہیکرز نے ہیک کرلی۔ بنگلہ دیشی ہیکرز نے ویب سائٹ پر اپنے پیغام میں لکھاہے کہ پنجاب اسمبلی کی ویب سائٹ ہیکنگ پاکستانی ہیکرز کی جانب سے بنگلہ دیشی ویب سائٹ ہیک کرنے کا جواب ہے۔ بنگلہ دیشی ہیکرز نے اپنے پیغام میں متنبہ کیا کہ اگر پاکستانی حکام نے بنگلہ دیشی ویب سائٹ کی ہیکنگ کے معاملے کا کوئی نوٹس نہیں لیا تو وہ انتقاما پاکستانی ویب سائٹ کی ہیکنگ کا سلسلہ جاری رکھیں گے۔ تاہم پاکستانی ہیکرز نے بنگلہ دیشی ہیکرز کو فوری جواب دیتے ہوئے پنجاب اسمبلی کی ویب سائٹ کا کنٹرول بنگلہ دیشی ہیکرز سے واپس لے لیا۔ پرائم شیڈو نامی ہیکرز کی جانب سے ویب سائٹ پر پاکستان زندہ باد کا نعرہ لگایا گیا۔ پاکستانی ہیکرز نے جواب دیتے ہوئے کہا ایڈمن فیس بک پر رابطہ کرکے ویب سائٹ کا کنٹرول واپس حاصل کرسکتے ہیں۔ ویب سائٹ بحال کر دی گئی ہے۔

یہ بھی پڑھیں  جمبر:میاں نوازشریف کی والدہ کے انتقال پرجمبر کے سیاسی و سماجی رہنماوؤں کا اظہار افسوس۔

یہ بھی پڑھیے :

Back to top button

Adblock Detected

Please consider supporting us by disabling your ad blocker