یو این کے انتخابات سے قبل سری لنکا میں انسانی حقوق کے فعالیت پسند گرفتار

کولمبو(مانیٹرنگ سیل) سری لنکا اے ایف پی کے مطابق سوموار (17 مارچ) کو پولیس اور فعالیت پسندوں نے کہا کہ سری لنکا میں حقوقِ انسانی کے دو سرکردہ فعالیت پسندوں کو انسدادِ دہشتگردی کے قوانین کے تحت گرفتار کر لیا گیا۔ اتوار (16 مارچ) کو ایک کیتھولک عبادت گزار جزیرہ کیٹچچاتیوو میں سینٹ اینتھونی کے گرجا گھر میں عبادت میں شرکت کر رہی ہے۔ سری لنکا کی پولیس نے اتوار کو ایک کیتھولک پادری سمیت انسانی حقوق کے دو سرکردہ فعالیت پسندوں کو گرفتار کر لیا۔ جافنا کے خطہ میں امن و مصالحتِ نو کے سربراہ، پادری پراوین ماہیسان اور کولمبو سے تعلق رکھنے والے آئی این ایف او آر ایم وکالتی گروہ کے روکی فیرنانڈو کو اتوار کے روز اس وقت گرفتار کر لیا گیا جب وہ اپنے ان عزیزوں سے ملنے گئے جو نسلی جنگ کے دوران اپنے پیاروں کو کھو پیٹھے تھے۔ گزشتہ ماہ ایمنسٹی انٹرنیشنل کی ایک رپورٹ میں بتایا گیا کہ سری لنکا نے اقوامِ متحدہ کی حقوقِ انسانی کاؤنسل کی ایک ملاقات سے قبل ”خوف کی فضا“ پیدا کر دی ہے۔