لاہور(پاک نیوز) ملک میں بجلی کا شارٹ فال 7 ہزار 674 میگاواٹ ہوگیا۔ بجلی کی مجموعی پیداوار 22 ہزار 226 میگاواٹ ہے۔ذرائع پاور ڈویژن کے مطابق ملک میں بجلی کی کل طلب 29 ہزار 900 میگاواٹ ہے۔پانی سے 5 ہزار 625 میگاواٹ بجلی پیدا کی جارہی ہے ۔سرکاری تھرمل پلانٹس 1ہزار327میگاواٹ بجلی پیدا کررہے ہیں۔نجی شعبے کے بجلی گھروں کی مجموعی پیداوار 11ہزار 500 میگاواٹ ہے۔ونڈ پاور پلانٹس 1ہزار 235 میگاواٹ اور سولرپلانٹس سے پیداوار 122 ہے ۔ذرائع پاور ڈویژن بگاس سے چلنے والے پلانٹس 132میگاواٹ بجلی پیدا کررہے ہیں ۔جوہری ایندھن 2ہزار 285 میگاواٹ بجلی پیدا کی جارہی ہے ۔ ملک کے مختلف علاقوں میں 14 گھنٹے تک کی لوڈشیڈنگ کی جارہی ہے ۔زیادہ نقصانات والے علاقوں میں لوڈشیڈنگ کا دورانیہ زیادہ ہے ۔
